Pigilin Mo Akong Mangarap, Mahal

ni Amor M. Datinguinoo

Pigilan mo akong mangarap,
Pagkat ang pag-ibig natin
ay hindi sine ni
Sharon Cuneta.
Gupitin mo ang pakpak
Ng aking balintataw,
Pagkat ang pag-ibig natin
ay walang siguradong
“And they lived happily ever after”
Sa ending.
Ikadena mo ang paglilimayon
Ng aking guniguni,
Pagkat ang pag-ibig natin
ay hindi nabibiyayaan ng katiyakan
Ng paglubog at pagsikat ng araw.

Sa halip:
Turuan mo akong ituring
Na dream come true
Ang bawat araw na kapiling kita.
Sabihin mo sa aking
Langit na sa lupa
Ang nasa tabi kita ngayon
ang nahahawakan ko ang kamay mo
ang nakakasabay kita sa pagkain
ang nakakasandig ako sa iyong mga balikat
ang nakakaagapay kita sa pag-aaral ng lipunan at buhay
ang naririnig ko ang boses mo
ang nakakaambos ako sa iyong mga iniisip
ang nahahagkan ko ang pagbuka ng iyong mga labing
humahabi ng mga pangarap na
wala tayong karapatang angkinin
(ngunit walang pakundangan mo pa ring
pinapangahasan!)
sapagkat

Sinta,
Ikaw at ako
ay may kahati
sa ating love affair:
Ang kapwa mababangis na
Rebolusyon
Sa loob at labas
Ng ikaw at ako.

Kaya’t pigilan mo akong mangarap,
Mahal.
Sapagkat hindi natin tiyak
Kung bukas,
Tutubuan pa ng bigote ang buwan.

[Philippine Collegian 1988 Literary Folio]

Advertisements

3 thoughts on “Pigilin Mo Akong Mangarap, Mahal

  1. Pingback: 1988 « North Fort

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s